7 клас, гісторыя Беларусі
Дарагія мае вучні! Сюды вы можаце даслаць адказы на выкананыя заданні. А таксама задаць пытанні.
tanyashumel@mail.ru
 

ПЛАН ВЫВУЧЭННЯ ТЭМЫ:

1. Пачатак і ход паўстання на беларускіх землях.

2. Прычыны паражэння паўстання.

3. Трэці падзел Рэчы Паспалітай (1795 г.).

Інструкцыя:

Для паспяховага выканання заданняў уважліва прачытай § 28 "Паўстанне 1794 г. на беларускіх землях".

Заданні, якія неабходна выканаць:

1. Пазнаёміцца з апісаннем гістарычнай асобы і адказаць на пытанне, хто гэта?
2. Прачытаць пп. “Пачатак і ход паўстання на беларускіх землях” і “Прычыны паражэння паўстання” і запоўніць табліцу.
3. Праглядзець відэа пра Тадэвуша Касцюшку і зрабіць характарыстыку гістарычнай асобы згодна з планам.
4. Растлумачыць, у чым заключаецца сэнс лозунга паўстання.
5. Выканаць заданні з картай.
6. Зрабіць аналіз карыкатуры па пытаннях.
7. Праверыць сябе па заданні ў сэрвісе learningapps.
8. На 9-10 балаў: выкарыстоўваючы ПАПВ-формулу выказаць свае адносіны да гістарычнай падзеі.
Усе заданні выконвай у рабочым сшытку.
Спасылку або фота выкананых заданняў адпраў настаўніку.
 Заданне 1: адкажы, хто гэта гістарычная асоба?
Гэты чалавек з'яўляецца ўраджэнцам Беларусі, удзельнікам вайны за незалежнасць ЗША, генералам, героем бітвы пад Саратогай. Яму пастаўлены помнікі ў ЗША, Аўстраліі, Літве, Польшчы, Швейцарыі і Беларусі. Яго імем названы адзін з амерыканскіх гарадоў. У канцы ХVІІІ ст. ён адыграў рашаючую ролю ў падзеях, дэвіз якіх: "За волю вашу і нашу".
 
 Заданне 2: прачытай пп. “Пачатак і ход паўстання на беларускіх землях” і “Прычыны паражэння паўстання” і запоўні табліцу.
 
 Заданне 3: праглядзіце відэа пра Тадэвуша Касцюшку і зрабіце яго характарыстыку згодна з планам.

Характарыстыка гістарычнага дзеяча

1. Імя, даты жыцця, паходжанне гістарычнага дзеяча (прыналежнасць да саслоўя).

2. Найважнейшыя падзеі жыцця і ўчынкі.

3. Вынікі дзейнасці.

4. Ваша стаўленне да гістарычнага дзеяча:

а) ваша меркаванне пра яго справы і ўчынкі (падмацаванае фактамі);

б) якія дзеянні і ўчынкі выклікаюць вашу павагу да яго, якія – асуджэнне.

Original link

Заданне 4: растлумачце, у чым заключаецца сэнс лозунга паўстання: “Свабода, цэласнасць, незалежнасць” і параўнаўце гэты лозунг з лозунгам Французскай рэвалюцыі “Свабода, роўнасць, братэрства”.

 Заданне 5: знайдзіце на карце

- месцы баявых дзеянняў паўстанцаў: Кракаў, Вільня, бітвы пад Крупчыцамі (пад Кобрынам) і Мацяёвіцамі (недалёка ад Варшавы), Прага (прадмесце Варшавы);

- тэрыторыі, якія атрымалі Расія, Прусія і Аўстрыя пасля ІІІ падзелу Рэчы Паспалітай у 1795 г.

 

 Заданне 6: зрабіце аналіз карыкатуры па пытаннях:

1) Назавіце дзеючых асоб і іншыя аб’екты (прадметы і інш.)

2) Ці ёсць на карыкатуры ўмоўныя або сімвалічныя дэталі?

3) Апішыце падзеі, якія адлюстраваны на карыкатуры.

4) У чым заключаецца галоўная ідэя аўтара?

 
 Заданне 7: правяраем веды.
Паўстанне 1794 г. на беларускіх землях
Размясціце падзеі ў храналагічнай паслядоўнасці
Original link

НаШтоБуЗУ (крытэрыі вывучэння тэмы):

Буду ведаць:
- даты і значэнне гістарычных паняццяў і падзей: касінеры, 1794 г., Паланецкі ўніверсал, трэці падзел Рэчы Паспалітай, 1795 г.;
- ход паўстання 1794 г. на беларускіх землях.
Буду ўмець:
- вызначаць прычыны, вынікі і значэнне паўстання 1794 г. на тэрыторыі Беларусі;
- называць асаблівасці паўстання на беларускіх землях;
- характарызаваць вынікі паўстання;
- характарызаваць дзейнасць Т. Касцюшкі.

 Слоўнік урока

Заданні для дапытлівых (на выбар):

1. Работа з карцінай Ф. Смуглевіча “Прысяга Тадэвуша Касцюшкі на Кракаўскім рынку”.
2. Работа з музычным творам М.К. Агінскага “Развітанне з Радзімай”.
3. Падрыхтаваць віртуальную экскурсію па краінах свету, якія звязаны з Тадэвушам Касцюшкам.
4. Параўнайць афармленне грошай паўстанцаў і сучасных беларускіх банкнот.
5. Скласці ўяўнае комікс-інтэрв’ю з Тадэвушам Касцюшкам.

 Заданне для дапытлівых 1: пазнаёмцеся з карцінай Ф. Смуглевіча “Прысяга Тадэвуша Касцюшкі на Кракаўскім рынку”. Вызначце, якой падзеі яна прысвечана. Ці можна лічыць дадзеную карціну гістарычнай крыніцай? Складзіце прамову, з якой Касцюшка мог бы звяртацца да акружаючых яго людзей.

 
 Заданне для дапытлівых 2: праслухайце музычны твор М.К. Агінскага "Развітанне з Радзімай" і растлумачце, што сімвалізуе яго назва.
Original link

 Заданне для дапытлівых 3: падрыхтуйце віртуальную экскурсію па краінах свету, якія звязаны з Тадэвушам Касцюшкам. Як ён і іншыя кіраўнікі і ўдзельнікі паўстання 1794 г. ушаноўваюцца ў Беларусі?

 Заданне для дапытлівых 4: параўнайце афармленне грошай паўстанцаў і сучасных беларускіх банкнот. У чым іх адрозненне і падабенства?

 
Заданне для дапытлівых 5:

выкарыстоўваючы дадатковую літаратуру, складзіце ўяўнае комікс-інтэрв’ю з Тадэвушам Касцюшкам.