Перад тым як напасці на Польшчу 1 верасня 1939 года, галоўны ідэолаг нацысцкай Германіі Ёзэф Гебельс унёс у спецыяльны спіс ворагаў рэйха карціну Яна Матэйкі “Бітва пад Грунвальдам”. Першапачаткова за палатно абяцалі 2 мільёны рэйхсмарак, праз некалькі гадоў сума вырасла ў пяць разоў. Зараз маштабны твор знаходзіцца ў Нацыянальным музеі ў Варшаве, а ў гады вайны яго хавалі пад Люблінам. Нацысты не выпадкова палявалі за карцінай, дзе паказаны разгром тэўтонскіх рыцараў у 1410 годзе.

Чаму немцы ўнеслі ў спіс ворагаў рэйха дадзеную карціну і хацелі яе знішчыць? Цікава?

Тады давайце працаваць!!!

План вывучэння тэмы

1. Вывучы матэрыял параграфа 8 “Вялікая вайна” і Грунвальдская бітва.

2. Замацуй свае веды, праглядзеўшы відэаўрок па тэме.

3. Выканай заданні ў рабочым сшытку па тэме.

Пры вывучэнні новай тэмы выкарыстоўвайце вучэбны дапаможнік.

А таксама пазнаёмцеся з відэаўрокам маёй калегі. Ён дапаможа вам сістэматызаваць і замацаваць новыя веды па тэме “Вялікая вайна” і Грунвальдская бітва.

Заданні выконвайце ў рабочых сшытках.

НаШтоБуЗУ (крытэрыі дасягнення мэты) урока:

1. Ведаю даты “Вялікай вайны”, Грунвальдскай бітвы, Торуньскага міру.

2. Назаву прычыны і вынікі “Вялікай вайны”.

3. Змагу апісаць ход і вынікі Грунвальдскай бітвы; даць ацэнку дзейнасці ўдзельнікаў бітвы.

4. Пакажу на карце месца, дзе адбывалася Грунвальдская бітва, дзе быў падпісаны Торуньскі мір.

5. Выкажу меркаванне аб гістарычным значэнні Грунвальдскай бітвы.

6. Змагу скласці гістарычныя партрэты Ягайлы, Вітаўта, Ульрыха фон Юнгінгена.

7. Змагу параўнаць відэасюжэт з тэкстам вучэбнага дапаможніка.