8 клас, гісторыя Беларусі.
Раздзел II. БЕЛАРУСЬ У ДРУГОЙ ПАЛОВЕ XIX – ПАЧАТКУ XX ст.
Шумель Таццяна Іванаўна,
настаўнік гісторыі і грамадазнаўства
ДУА “Гарадоцкі навучальна-педагагічны комплекс дзіцячы сад – базавая школа Маладзечанскага раёна”
https://vk.com/tanyashumel
tanyashumel@mail.ru
- 8 клас, гісторыя Беларусі
- 17-18. Прамысловае развіццё і стан гарадоў
- 19. Фарміраванне палітычных партый і рухаў
- 20-21. Грамадска-палітычнае становішча ў Беларусі
- 22. Сталыпінскія рэформы
- 23. Умовы і асаблівасці фарміравання белар. нацыі
- 24. Адукацыя і навука
- 25. Літаратура і тэатр
- 26. Жывапіс і архітэктура 1860 - пачатак ХХ ст.
- 27. Падзеі Першай сусветнай вайны
- 28. Лютаўская рэвалюцыя 1917 г. у Беларусі
- 29-30. Абаг. “Беларусь у др. пал. XIX – п. XX ст.”
- 31-32. Наш край у др. пал. XIX – п. XX ст.
- 33-34. Выніковае абагульненне
На ўроках гісторыі мы з вамі ўжо неаднаразова сустракаліся з малюнкамі Напалеона Орды. Скласці ўяўленне аб тым, як выглядалі некаторыя ўжо неіснуючыя беларускія маёнткі, можна цяпер толькі па яго малюнках. Але знакаміты ён не толькі як мастак, але і як піяніст і кампазітар. Казімір Альхімовіч, Нікадзім Сілівановіч, Ілья Рэпін, Юдаль Пэн, Марк Шагал, Эдвард Вайніловіч… Сёння на ўроку мы пазнаёмімся з іх жыццём і творчасцю, а таксама з архітэктурнымі стылямі, якія былі характэрны для дадзенага часу.
Цікава? Тады давайце выконваць заданні!
1. Запішыце ў сшытак тэму ўрока.
Уважліва прачытайце 1 пункт §26 “Жывапіс” або праглядзіце відэаролік: "Жывапіс Беларусі 1860 я гг . - пачатак 20 ст.".
Вусна адкажыце на пытанні:
1. Ахарактарызуйце сюжэты карцін К. Альхімовіча і Н. Сілівановіча.
2. Чаму замалёўкі Н. Орды маюць вялікую каштоўнасць для гістарычнай навукі?
3. Якія асаблівасці жыцця гараджан адлюстроўваюць карціны Ю. Пэна, М. Шагала?2. Разгледзьце рэпрадукцыі карцін Ю. Пэна «Вуліца ў Віцебску» і «Млын на Віцьбе», М . Шагала «Над горадам» і прааналізіруйце адну з іх па пытаннях.
«Вуліца ў Віцебску». Ю. Пэн
«Над горадам». М. Шагал
«Млын на Віцьбе». Ю. Пэн
2. Вусна адкажыце на пытанні да карцін.
1. Што ці каго вы бачыце на карціне?
2. Якія пачуцці выклікае ў вас гэта карціна?
3. Падумайце, якімі гукамі мог быць напоўнены эпізод, прадстаўлены на карціне. «Падслухайце» гэтыя гукі.
4. Галасы каго з выяўленых на карціне асоб вы чуеце?
5. Які пах, звязаны з сюжэтам карціны, вы адчуваеце?
6. У які час, у якіх абставінах намаляваны людзі? Хто яны?
7. Як вы думаеце, што магло адбыцца далей, зыходзячы з сюжэта карціны?
8. Раскажыце пра эпізод, выяўлены на карціне, з пункту гледжання аднаго з персанажаў, намаляваных на ёй. Для аповеду выкарыствайце ўсё, што вы ўбачылі і «пачулі».
9. Падумайце, ці будуць апавяданні «відавочцаў» падзеі аднолькавымі. Калі яны будуць адрознівацца, то чым?
3. Уважліва прачытайце 2 пункт параграфа “Развіццё архітэктуры”.
1. Запішыце ў сшытак азначэнне паняцця “цэрквы-мураўёўкі” і запомніце яго.
2. Растлумачце абставіны грамадска-палітычнага жыцця, вынікам якіх стала будаўніцтва па ўсёй Беларусі так званых цэркваў-«мураўёвак».
3. Запоўніце ў сшытку табліцу “Мастацкія стылі ў помніках архітэктуры Беларусі”.
Помнік архітэктуры | Стыль | Кароткае апісанне | Фота / малюнак |
Касцёл Святога Роха (Мінск) | |||
Касцёл Святых Сымона і Алены (Мінск) | |||
Свята-Уваскрасенскі сабор (Барысаў) | |||
Капліца-пахавальня Паскевічаў (Гомель) | |||
Касцёл Найсвяцейшай Тройцы (Відзы) | |||
Гасцініца «Еўропа» (Мінск) |
Давайце замацуем вывучанае!
Пасля вывучэння тэмы вы будзеце:
Ведаць: дасягненні культуры на тэрыторыі Беларусі ў другой палове XIX – пачатку ХХ ст.;
Умець: вызначаць гістарычныя сюжэты ў творчасці прадстаўнікоў беларускага мастацтва; прыводзіць прыклады пабудоў, узведзеных у розных архітэктурных стылях; характарызаваць гістарычныя матывы ў мастацтве Беларусі.
Ты будзеш сёння паспяховым на занятку, калі ў канцы занятку зможаш выканаць праверачную работу
ў Гугл формах або заданне ў сервісе learningapps.
Аўтар: Козел Таццяна Мікалаеўна. ДУА "Лапацінская сярэдняя школа" Пінскага раёна Брэсцкай вобласці.