 Заданне 1.

Вызначце, карыстаючыся картасхемамі і картамі атласа, адміністрацыйна-тэрытарыяльную адзінку, у складзе якой знаходзіўся ваш населены пункт, і яго статус.

 Заданне 2.

Падрыхтуйце паведамленне пра славутых ураджэнцаў або тых, чый лёс звязаны з Маладзечаншчынай – дзеячаў другой паловы XIX ст. – пачатку ХХ ст., якія зрабілі вынаходкі, спрыялі развіццю культуры і асветы. Напрыклад, можна расказаць пра Тамаша Зана, Бенядзікта Дыбоўскага, Максіма Багдановіча, Янку Купалу, Ігната Буйніцкага, Янку Купалу.

Для падрыхтоўкі можна выкарыстаць матэрыялы гісторыка дакументальнай хронікі: Памяць: гіст.-дакум. хроніка Маладзечна і Маладзечанскага раёна / рэд. кал.: Г.П. Пашкоў (гал. рэд.) і інш.; Маст. Э.Э. Жакевіч. – Мн.: БелЭн. –2002. – 792 с.: іл.

 Заданне 3.

Падрыхтуйце паведамленне пра першую настаўніцкую семінарыю ў Расійскай імперыі, якая была адкрыта ў горадзе Маладзечна.

Для падрыхтоўкі можна выкарыстаць дадзены сайт: molodechno.net

 Заданне 4.

Падрыхтуйце завочную экскурсію пра адзін з помнікаў беларускай архітэктуры, які мае дачыненне да другой паловы XIX ст., напрыклад, Плябанскі храм. У чым яго адметнасць? А ў тым што ў залежнасці ад палітычнай сітуацыі гэты храм быў то касцёлам, то царквой. Які статус ён мае ў цяперашні час? Цікава? Тады за справу.

Для падрыхтоўкі экскурсіі вы можаце скарыстаць матэрыялы даследчай работы “Сем цудаў Маладзечаншчыны”.

 Заданне 5.

Падрыхтуйце журналісцкі рэпартаж пра стан адукацыі ў мястэчку Гарадок Вілейскага павета Віленскага ваяводства.

Для падрыхтоўкі рэпартажа можна выкарыстаць матэрыялы даследчай работы “ВЕК ЖЫВІ – ВЕК ВУЧЫСЯ!” (гісторыя развіцця адукацыі ў мястэчку Гарадок: 1862 – 1939 гг.).

НаШтоБуЗУ (крытэрыі вывучэння тэмы):

Буду ўмець:

- абгрунтоўваць уласнае меркаванне;

- лакалізаваць падзеі на гістарычнай карце;

- выкарыстоўваць метады вучнёўскага даследавання пры вызначэнні яго праблематыкі, мэтапалаганні, зборы і апрацоўцы матэрыялаў, прадстаўленні вынікаў;

- рыхтаваць прэзентацыі паведамленняў, віртуальных экскурсій, рэпартажаў, праектаў аб гістарычных працэсах (падзеях) і асобах.