8 клас, гісторыя Беларусі.

Паважаныя вучні! На працягу навучальнага года мы з вамі вывучалі гісторыю Беларусі ў ХІХ – пачатку ХХ ст.

XIX стагоддзе – гэта час, калi Беларусь абуджалася да ўласнага нацыянальна-культурнага жыцця, калi фармулявалiся iдэi беларускага нацыянальнага адраджэння. Давайце сёння паспрабуем узгадаць, што было пару стагоддзяў назад, якой была наша Беларусь у культурным, духоўным сэнсе.

Сёння вы павінны паказаць узровень сваіх ведаў, уменні сістэматызаваць, абагульняць, характарызаваць і параўноўваць гістарычныя факты, тлумачыць гістарычныя падзеі, характарызаваць гістарычнага дзеяча, працаваць з гістарычнымі картамі, рабіць высновы і абагульненні. Поспехаў вам!

Заданне 5: Успомніце, аб якіх населеных пунктах ідзе гаворка і адзначце іх на карце.

1. Дзе знаходзілася сядзіба Міхала Клеафаса Агінскага, якую ў пачатку XIX ст. называлі “паўночнымі Афінамі”?

2. У якім горадзе была адкрыта суднаверф для будаўніцтва лёгкіх судоў для Чарнаморскага флоту?

3. У якім горадзе узведзены незвычайны помнік – памятны знак літары “Ў”?

4. У якім горадзе ў 1898 г., раней, чым у Маскве і Пецярбургу, быў пушчаны першы электрычны трамвай?

5. У якім беларускім горадзе ў 1852 г. адкрылася конная чыгунка?

6. Горад, дзе ўпершыню ў гады Першай сусветнай вайны ў 1916 г. на ўсходнім фронце германскія войскі выкарысталі атрутны газ.

7. Куды ў 1915 г. з Баранавічаў была пераведзеная Стаўка Вярхоўнага галоўнакамандуючага?

8. Радзімай Марка Шагала з’яўляецца горад ... .

9. У якім населеным пункце ў першай палове XIX ст. праводзіўся адзін з найбуйнейшых кірмашоў у Гродзенскай губерні?

10. У якім населеным пункце знаходзілася папяровая фабрыка –адна з найбольш тэхнічна абсталяваных у Расійскай імперыі?

11. Дзе знаходзіцца музей-сядзіба рускага мастака Ільі Рэпіна?

12. Дзе ў 1820-я гг. былі пабудаваны першыя ў Беларусі фабрыкі?

13. У якім населеным пункце ў 1848 г. пачала працу першая ў Расіі вышэйшая агранамічная навучальная ўстанова?

14. У якім горадзе Расійскай імперыі адчынілася першая настаўніцкая семінарыя?

15. Абарона якога беларускага горада ў Першую сусветную вайну працягвалася 810 дзён?

НаШтоБуЗУ (крытэрыі вывучэння тэмы):

Буду ведаць:

- асноўныя падзеі гісторыі Беларусі ў канцы XVIII – пачатку ХХ ст. і іх даты;

- азначэнні гістарычных паняццяў;

- імёны гістарычных дзеячаў, дзеячаў культуры і вынікі іх дзейнасці.

Буду ўмець:

- даваць азначэнне вузлавых паняццяў;

- устанаўліваць храналогію падзей;

- суадносіць гістарычную карціны з прозвішчамі мастакоў, выяву гістарычнага дзеяча з яго іменем;

- вызначаць на гістарычнай карце населеныя пункты, якія звязаны з пэўнымі падзеямі;

- тлумачыць прычынна-выніковыя сувязі, праводзіць параўнанне, доказы розных аспектаў гістарычных з’яў;

- вызначаць падзеі, прычыны гістарычных праблем пры рашэнні гістарычных задач;

- вызначаць ролю гістарычных асоб і дзеячаў культуры ў развіцці ідэі народнай дзяржавы, нацыянальнай самасвядомасці беларусаў, нацыянальнай ідэі;

- выказваць свае адносіны да гістарычнай падзеі.

Заданне для дапытлівых 1: папрацуйце з карыкатурай.

1. Якой гістарычнай падзеі прысвечана карыкатура?

2. Прадстаўнікі якіх саслоўяў і дзяржаў прадстаўлены на карыкатуры?

3. У чым прычына такіх узаемаадносін асноўных персанажаў карыкатуры?

4. Чаму гэта падзея былавызначана расійскім урадам як Айчынная вайна?

5. Як вы лічыце, у якой дзяржаве і з якой мэтай была створана гэта карыкатура. Свой адказ аргументуйце.

Заданне для дапытлівых 3: папрацуйце з гістарычнай ілюстрацыяй, якая ўяўляе сабой гістарычную карцінку. Выберыце адну выяву (на выбар).

1. Вызначце, якая гістарычная падзея ці з’ява адлюстравана на ілюстрацыі.

2. Адшукайце элементы ілюстрацыі, якія ўяўляюць сабой парадокс (пэўную неадпаведнасць, супярэчнасць, двухсэнсоўнасць).

3. Выкажыце асабістае стаўленне да гістарычных падзей і іх удзельнікаў, адлюстраваных на ілюстрацыі.

1. У 1892 г. у Мінску пры гарадскім галаве Каралі Эмірыку Гутэн-Чапскім была арганізавана конка, калі конь цягнуў вагончык па рэльсах. Чаму ў конку ў першыя гады не было прыпынкаў?

2. У 1900 г. у многіх мінскіх газетах былі прагнозы аб жыцці горада ў 1950 г. якую найбольш вострую гарадскую транспартную праблему прадказвалі ў будучым Мінска і чаму?